Almatyda TJD qyzmetkeri kórshilerin órtten qutqardy
ALMATY. QazAqparat - Almatyda Alataý aýdanyndaǵy Atletıkalyq aýylda órt boldy, dep habarlaıdy QazAqparat tilshisi.
Qalalyq TJD baspasóz qyzmetiniń ókili Sandýǵash Baımuhambetovanyń aıtýynsha, túngi 1:21 shamasynda Alǵabas shaǵyn aýdany, 5/4 úıdiń ekinshi qabatyndaǵy páter órtke oranǵan.
Órt sóndirýshiler kelgenshe sol úıde turatyn TJD qyzmetkeri Aıdos Núsipbaev syrttaǵy aıǵaı-shýdy estip, kómekke umtylǵan.
Núsipbaev dereý órt sóndirýshilerdi shaqyryp, órtengen páterdiń ıesi Esbergenovany qutqarǵan.
Ol 4 kórshisimen birige otyryp, 1-qabattyń terezesine órmelep shyǵyp áıeldiń tereze arqyly túsýine kómektesken.
TJD qyzmetkeri úıde eshkim qalmaǵanyna kóz jetkizgen soń órtengen podezge kirip taǵy da 10 kórshisin, onyń ishinde 2 balany qaýipsiz jerge alyp shyqqan.
Tilsiz jaý 30 sharshy metr aýmaqty sharpydy.
Qyzyl jalyndy aýyzdyqtaýǵa 29 adam men 8 tehnıka jumyldyryldy.
