Almatyda TJD bólim basshysy para alǵany úshin 7 jylǵa sottaldy
Sybaılas jemqorlyqqa qarsy is qımyl agenttiginiń Almaty boıynsha departamentiniń málimetinshe, N. Nurtashevqa jeke kompanııalardyń basshylarynan bopsalaý arqyly birneshe ret para aldy degen aıyp taǵylǵan.
«Nurtashev «Hozý-Almaty» JShS bas dırektory Aleksandr Bırıýkovtan kommertsııalyq qyzmetine qamqorlyq kórsetkeni úshin 20 myń teńge, sonymen qatar, termınaldardyń metall konstrýktsııalarynda órtke qarsy boıaýmen óńdeýdiń bolmaýy túrinde anyqtalǵan zańbuzýshylyqty buıryqta kórsetpeý úshin taǵy bir jeke kompanııanyń basshysynan 840 myń teńge kóleminde para aldy degen kúdikke ilindi», - delingen vedomstva taratqan habarlamada.
Almaty qalasy Túrksib aýdandyq sotynyń úkimimen N. Nurtashev 7 jylǵa, A. Bırıýkov 1 jylǵa bas bostandyǵynan aıyryldy.
Sottalǵandar ómir boıy memlekettik qyzmette jumys isteý quqyǵynan aıyryldy.