Almatyda TJD 5 balalar lagerin esepke aldy

ALMATY. QazAqparat - Almaty qalalyq TJD balalarǵa arnalǵan 5 saýyqtyrý lagerin esepke aldy, dep habarlaıdy QazAqparat tilshisi.

Mamandar bul lagerlerde tótenshe jaǵdaı qaýpi joǵary dep baǵalap otyr. Bul nysandar jyl saıyn sáýir-mamyr aıynda tekseriledi.

«Órt sóndirý-tehnıkalyq tekserý qorytyndysyna sáıkes, 2019 jyly órt qaýipsizdigi boıynsha 32 zańbuzýshylyq tirkeldi. Bul kemshilikter boıynsha QR ÁqbK 410-baby boıynsha 5 ákimshilik hattama toltyryldy. Jalpy somasy 50 myń 500 teńge aıyppul salyndy. Atalǵan 5 nysan boıynsha aldyn ala eskertý qaǵazy berildi, 80 qyzmetkerine tótenshe jaǵdaı bolǵan jaǵdaıda áreket etý algorıtmi túsindirildi», - dedi TJD baspasóz qyzmetinen.

Mamandar balalar lagerin jazǵy órt maýsymynan saqtaý úshin aınalasyn qazyp, qurǵaq shılerden tazartty. Bul nysandar sel qaýpi joǵary aımaqta ornalaspaǵan.