Almatyda "Tynysta, balaqaı" atty joba bastalady

Bul týraly búgin Almatyda atalmysh sharanyń bastalýyna oraı ótkizilgen baspasóz máslıhatynda «AıALA» qaıyrymdylyq qorynyń vıtse-prezıdenti Jangeldi Sársenov aıtty.

Onyń aıtýynsha, joba Qazaqstannyń 13 oblystyq perınataldy ortalyqtarynyń balalarǵa arnalǵan reanımatsııalyq bólimshelerin qajetti medıtsınalyq jabdyqtarmen jaraqtandyrýǵa baǵyttalǵan. "Ótken jyly «AıALA» qaıyrymdylyq qory ókilderiniń QR Densaýlyq saqtaý mınıstrliginde 2010 jyly jeltoqsanda bolǵan kezdesýinde bul jobany búkil el kóleminde birigip, respýblıkalyq aýqymda ótkizý sheshilgen bolatyn. Negizinen bizdiń qor bul jobany 2008 jyldan beri atqaryp keledi. Bul aktsııaǵa «Kar-Tel» JShS-i, ıaǵnı «Bılaın» kompanııasy qoldaý bildirdi. Ynta bildirgen Beeline-niń kez-kelgen abonenti qysqasha 1462 nómirine jiberý arqyly bul jobaǵa qatysa alady. sms-tiń baǵasy - 100 teńge. Abonentter aktsııaǵa qatysa otyryp, olar ana men bala óliminiń aldyn alýǵa óz yqpalyn tıgize alady. Aktsııa jyldyń aıaǵyna deıin jalǵasatyn bolady", - dedi Jangeldi Sársenov.

Onyń aıtýynsha, 2008 jyldan beri «AıALA» qory Almaty qalasynyń perınataldy ortalyǵy men perzenthanalaryna 104 668 879 teńge somasynda zamanaýı qajetti medıtsınalyq jabdyqtar bergen. "Balalarǵa arnalǵan reanımatsııalyq bólimshelerge tynystaý apparattaryn, reanımatsııalyq ústelder, ınfýzomattardy, perfýzorlardy, medıtsınalyq tarazylardy, fototerapııa apparattaryn jáne basqa da kóptegen jabdyqtardy ornatyp, syıǵa tarttyq. Sonymen qatar Almatynyń perınataldy ortalyǵyna zamanaýı rentgendik apparat jáne aıqyndaýshy protsessor berdik. Al, osy aıdyń sońyna deıin jabdyqtardyń jańa partııasyn perzenthanalarǵa berýdi josparlap otyrmyz. Osy joba jańa týǵan nárestelerdiń syrqattaný men ólim-jitimge ushyraý kórsetkishin 2,5 esege tómendetti", - dep atap ótti J. Sársenov.

"Damyǵan elderde ana men bala ólimi belgilengen kórsetkishten joǵary emes, Qazaqstanda kórsetkish 22,7 paıyzdy qurap otyr. 2010 jyly bala ólimi 16,7 paıyzdy qurady. Ólim-jitimdi azaıtýǵa qarsy naqty jumystardy, qoıylǵan mindetterdi atqarsaq, 2020 jylǵa deıin bul kórsetkishti eki esege deıin azaıtýdy josparlap otyrmyz. Atap óter bolsaq, qazirgi ýaqytta bala ólimi azaıýynyń úrdisi baıqalady. 2008 jyly elimiz Dúnıejúzilik densaýlyq saqtaý uıymynyń standarttaryna sáıkes jańa týylǵan nárestelerdiń tiri qalýynyń jańa ólshemderi qabyldandy. Ondaı ólshemderdiń biri salmaǵy 500 gramnan joǵary týylǵan nárestelerdi kútimge alý qajettiligi bolyp tabylady. Osy sharalar bala ólimin azaıtýǵa óz yqpalyn tıgizýde. Memleket balalardyń tiri qalýyna barlyq kúshterin salýda barlyq sharalardy qoldanýda", - dedi QR Densaýlyq saqtaý mınıstrliginiń medıtsınalyq kómekti uıymdastyrý departamentiniń ana men bala densaýlyǵyn qorǵaý basqarmasynyń bastyǵy Maǵrıpa Embergenova.

Almaty qalasy densaýlyq saqtaý basqarmasynyń bas pedıatry Leıla Imanǵalıevanyń aıtýynsha, zamanaýı tehnologııalardyń arqasynda Almatyda bala ólimi 2010 jyly, 2008 jylǵa qaraǵanda 22 paıyzǵa azaıǵan.