Almatyda «Tuzdybastaý» stantsııasy iske qosylsa, shaǵyn aýdandar elektrmen tolyq qamtylady – ákim
ALMATY. QazAqparat – Almatyda Túrksib aýdanynyń shaǵynaýdandaryn elektr qýatymen qamtý maqsatynda «Tuzdybastaý» qosalqy stantsııasy salynýda. Stantsııa iske qosylǵan soń, aýdandaǵy shaǵyn aýdandar elektrmen turaqty túrde qamtylady. Bul týraly Almaty ákimi Erbolat Dosaev málimdedi, dep habarlaıdy QazAqparat tilshisi.
«Tuzdybastaý» qosalqy stantsııasy 2023 jyldyń II toqsanynda paıdalanýǵa berilmek. Sodan keıin Túrksib aýdanyndaǵy shaǵynaýdandardy elektrmen turaqty túrde qamtamasyz etý máselesi tolyq sheshiledi. Budan bólek, jyl sońyna deıin jaryǵy joq 100 kóshe men tuıyq kóshelerge jaryq shamdary ornatylady», - dedi qala ákimi.
Ol sondaı-aq Almatyda elektr qýatynyń óship qalýynyń sebebi, jelilerdiń tozǵandyǵy jáne qýattyń jetispeýshiliginen ekenin aıtty.
«Qazirgi tańda 4,2 shaqyrym elektr jelisi qaıta jańǵyrtyldy. Jyl sońyna deıin 11 shaqyrymǵa deıin jóndeledi. Osylaısha «Shýaqty», «Nurshashqan» shaǵynaýdanyndaǵy eski elektr jelileri jańǵyrtylady. 2023 jyldyń І toqsanynda «Álmerek» jáne «Qaırat» shaǵynaýdanynda da jumystar bastalady», - dedi Erbolat Dosaev.
