Almatyda «Tuıyq sý» shatqalyndaǵy shyrshalar órtten qutqaryldy
ALMATY. QazAqparat – Almatylyq órt sóndirýshiler «Tuıyq sý» shatqalyndaǵy shyrshalardy órtten qorǵap qaldy, dep habarlaıdy QazAqparat tilshisi.
Qalalyq Tótenshe jaǵdaı departamentiniń málimetinshi, 14 qazan kúni saǵat 12:01-de «101» pýltine «Shymbulaq» taý shańǵy kýrortynan joǵary ornalasqan «Tuıyq sý» shatqalyndaǵy (Kereı – Jánibek handar kóshesi) órt týraly habarlama túsken.
«Oqıǵa ornyna Medeý aýdanynyń órt sóndirý esepteri jiberildi. Órt sóndirýshiler kelgende aǵashtan salynǵan bir qabatty úı ashyq jalynmen janyp jatqanyn anyqtady. Órttiń jaqyn ornalasqan shyrshalarǵa taralý qaýpi týyndady. Qabyldanǵan sharalar arqyly qyzyl jalyn saǵat 12:45-te sóndirildi. Jaqyn mańda ósip turǵan shyrshalarǵa órttiń taralý qaýpi joıyldy»,– dedi departamentten.
Jalynmen kúreske 13 órt sóndirýshi, 3 tehnıka jumyldyryldy. Zardap shekkender men qaıtys bolǵandar joq.
Belgili bolǵandaı, atalǵan úıde alpınıster bolǵan. Olar 14 qazan kúni tańerteń shyǵyp ketken. Al tús kezinde órt týraly habarlama jetken.
