Almatyda tutyný kooperatıviniń burynǵy tóraǵasy kooperatıvke 77 mln teńge zalal keltirgen
ALMATY. QazAqparat - Almaty qalasynyń Naýryzbaı aýdandyq sotynda A. esimdi azamatqa qatysty qylmystyq is qaraldy. Ol bótenniń senip tapsyrǵan múlkin zańsyz ıemdengen, dep habarlaıdy QazAqparat tilshisi.
Sot A-nyń 2020 jyldyń qyrkúıeginen bastap 2021 jyldyń qazan aıyna deıingi kezeńde «K» tutyný kooperatıviniń tóraǵalyq qyzmetin atqara otyryp, (burynǵy PIK) ózine senip tapsyrylǵan qarajatty ysyrap etý jolymen urlap, kooperatıvke 77 mıllıon teńge somasynda múliktik zalal keltirgenin anyqtady.
Onyń kinási jábirlenýshiniń, kýálardyń aıǵaqtarymen jáne qylmystyq istiń basqa materıaldarymen dáleldendi.
Sot sottalýshynyń kinásin ishinara moıyndaǵanyn jáne jasaǵan isine ókingenin jaýaptylyqty jeńildetetin mán-jaılar retinde tanyp, A-nyń áreketinde aýyrlatatyn mán-jaılar joq ekendigin atap ótti.
«Sot úkimimen A. kináli dep tanylyp, oǵan basshylyq laýazymdyq qyzmetterdi atqarý quqyǵynan 6 jylǵa shektete otyryp, 7 jyl 6 aı bas bostandyǵynan aıyrý jazasy taǵaıyndaldy. Sottalýshydan «K» tutyný kooperatıviniń paıdasyna 77 mln 443 myń 988 teńge zalal óndirildi. Úkim zańdy kúshine engen joq«, - dep habarlady sottyń baspasóz qyzmeti.
