Almatyda túsken qardyń qalyńdyǵy 13 cantımetr boldy
ALMATY. QazAqparat - Almatyda túsken qardyń qalyńdyǵy 13 santımetr, al taýly aýdandarda - 27 santımetr boldy, dep habarlaıdy Almaty qalasy Tabıǵı resýrstar jáne tabıǵatty paıdalanýdy retteý basqarmasynan.
«Qalada qar 7 jeltoqsan kúni saǵat 06:00-de jaýa bastady. Kommýnaldyq qyzmetter qalanyń kósheleri men jaıaýlar júretin joldaryna qum-hlorıdti qospa sebý jumystaryn júrgizýde», - delinedi habarlamada.
Qar jınaý jumystaryna arnaıy tehnıkanyń 417 birligi jumyldyrylǵan, sonyń 149 birligi - qum shashatyn tehnıka. Jol jumysshylarynyń sany - 837 adam.
Qala boıynsha paıdalanylǵan qospanyń kólemi shamamen 5200 tonnany qurady. Qaladan 1360 sharshy metr aýmaqtaǵy qar shyǵaryldy. Qum shashý, jınalǵan qardy shyǵarý jáne jaıaýjoldardy tazalaý jumystary jalǵastyrylýda.
Sınoptıkterdiń boljamynsha, 7 jeltoqsan kúni jaýyn-shashyn jaýyp, aýanyń temperatýrasy kúndiz -5 -7 gradýs sýyqty, al túnde 10 gradýs sýyqtyqty kórsetedi.
