Almatyda týrnıkke tartylýdan respýblıkalyq festıval ótip jatyr

ALMATY. QazAqparat - Almatydaǵy Abaı alańynda týrnıkke tartylýdan jarys ótip jatyr, dep habarlaıdy QazAqparat tilshisi.

«TARTYL FEST – 2022» f estıvali elimizdiń barlyq óńirinde 10 shilde men 6 qyrkúıek aralyǵynda uıymdastyrylady.

Jarysty QR Prezıdenti janyndaǵy «Dara» talanttardy qoldaý qory men Almaty ákimdigi ótkizip otyr.

Ákimdiktiń málimetinshe, qazir Almatyda 500-den astam áýesqoı sportshy tirkelgen. Qatysýshylar salmaǵy men jasyna qaraı 9 sanat boıynsha óner kórsetýde. Jeńimpazdar keshke festıval aıaqtalǵan soń anyqtalady.

Eske salsaq, buǵan deıin festıval Qonaev qalasynda bastalyp, Taldyqorǵanda jalǵasqan bolatyn.

Qazaqstannyń 20 qalasynda uıymdastyrylatyn týrnır jeńimpazdary 6 qyrkúıekte Nur-Sultan qalasynda ótetin Grand-fınalǵa qatysady.

Ár qaladaǵy júlde qory: 1-oryn – 200 000 teńge; 2-oryn – 100 000 teńge; 3-oryn – 50 000 teńge. Grand-fınaldyń júlde qory: 1-oryn – 3 mıllıon teńge; 2-oryn – 2 mıllıon teńge; 3-oryn-1 mıllıon teńge. Grand-Fınal chempıondary Street Workout boıynsha álem chempıonatyna qatysý múmkindigine ıe bolady.