Almatyda turmystyq zorlyq-zombylyq kórgen áıelder qaıda bara alady
ALMATY. QazAqparat - Almaty qalalyq Áleýmettik ál-aýqat basqarmasynyń basshysy Nazıra Toǵyzbaeva onlaın brıfıng barysynda megapolıste turmystyq zorlyq-zombylyq máselesi qalaı sheshilip jatqanyn aıtty, dep habarlaıdy QazAqparat tilshisi.
Onyń sózinshe, qalada zorlyq-zombylyqtan zardap shekken áıelderdi qabyldaıtyn «Jan Saıa» daǵdarys ortalyǵy jumys isteıdi. 2017 jyly ashylǵan ortalyqqa bıyl 75 áıel men 157 bala ótinish bergen.
A»tap aıtsaq, «Jan Saıa» otbasylyq zorlyq-zombylyq qurbandary úshin arnaıy jasalǵan. Munda zardap shekkenderge baspana, quqyqtyq, psıhologııalyq jáne áleýmettik qoldaý kórsetiledi. Ortalyq sonymen qatar balalarǵa arnalǵan túrli is-sharalar ótkizedi jáne «150» senim telefony bar. Sondaı-aq Almatyda turatyn jeri joq adamdar úshin qurylǵan «Pana» áleýmettik qyzmet kórsetý ortalyǵy jumys isteıdi. Jyl basynan beri 466 ótinish berýshige kómek kórsetildi, olardyń barlyǵy ýaqytsha turǵyn úımen qamtamasyz etildi», - dedi basqarma basshysy.
Sonymen qatar, ol Ortalyq mamandary zardap shekkenderdiń qujattaryn qalpyna keltirýge kómektesetinin aıtty.
«Almatyda jalǵyzbasty zeınetkerler, múgedekter, jalǵyzbasty erli-zaıyptylar jáne zeınetkerlik jastaǵy erli-zaıyptylar úshin elimizdegi erekshe «Qamqor» áleýmettik úıi jumys isteıdi. Munda 50 adam turyp jatyr. Týystarynyń qaraýynsyz qalǵan turǵyndary páterlerin memleket menshigine ótkizip, osy úıge kóshe alady», - dedi Nazıra Toǵyzbaeva.
