Almatyda turmystyq tehnıka dúkeniniń ǵımaraty janyp ketti
ALMATY. QazAqparat - Almatyda turmystyq tehnıka dúkeni men banktiń bólimshesi ornalasqan ǵımarattan órt shyqty, dep habarlaıdy QazAqparat tilshisi.
Aqsaı shaǵyn aýdanynyń turǵyndary Áýezov aýdany, Aqsaı-4 shaǵyn aýdany, 30-úıden tútin shyqqanyn baıqaǵan. Munda turmystyq tehnıka dúkeni men banktiń bólimshesi ornalasqan.
«Anyqtalǵandaı, ǵımarattyń jertólesinde (qoıma) turmystyq tehnıkanyń bos karton ydystary janǵan. Órt 21:50-de aýyzdyqtalyp, 22:10-da sóndirildi. Jalyn 50 sharshy metr aýmaqty sharpyǵan. Eshkim zardap shekpedi», - dep habarlady Almaty TJD resmı ókili Sandýǵash Baımuhambetova.
