Almatyda turmystyq qatty qaldyqtardan otyn óndiretin zaýyt salynbaq

ALMATY. QazAqparat – Almatyda 2030 jylǵa deıin turmystyq qatty qaldyqtardan otyn óndiretin zaýyt salynbaq. Bul týraly Erbolat Dosaev Almaty qalasyn damytýdyń 2025 jylǵa deıingi josparyn talqylaý barysynda málim etti, dep habarlaıdy QazAqparat tilshisi.

«Turmystyq qatty qaldyqtardy jınaý jáne kádege jaratýdyń biryńǵaı júıesin qurý qajet. Onyń mańyzdy bólikteri – 2 jańa qoqys tıeý stantsııasy, polıgon, sondaı-aq óńdeý zaýyty bolady. 2030 jylǵa deıin qaldyqtardan otyn óndirý zaýytyn salý josparlanyp otyr jáne qoqysty bólek jınaýdy 10%-ǵa deıin jetkizemiz», - dedi Almaty ákimi.

Erbolat Dosaevtyń aıtýynsha, osy máselege baılanysty qalalyqtardyń da usynysy nazarǵa alynady.

«Qala turǵyndary qoqysty bólek jınaý, turmystyq qatty qaldyqtardy qaıta óńdeý jáne ekomádenıetti damytý máselelerin jıi kóterip, usynys bildiredi. Bul usynystardyń barlyǵy egjeı-tegjeıli qarastyrylyp, qalany damytý josparyn odan ári ázirleý kezinde eskeriletin bolady», - dedi ol.

Buǵan deıin habarlaǵanymyzdaı, Almatyda jylyna 1 mln sheteldik týrıst qabyldaýǵa jospar quryldy.