Almatyda túrli ult ókilderiniń jastary Konstıtýtsııanyń qoǵamdaǵy mańyzyn talqylady
«Osydan 20 jyl buryn qabyldanǵan konstıtýtsııa azamattardyń quqyǵy men bostandyǵyna kepildik berdi. Konstıtýtsııa otanǵa degen mahabbat, azamattyq paryz, ultaralyq birlik sııaqty jalpy qoǵamdyq qundylyqtarǵa negiz boldy. Memleket basshysy Nursultan Nazarbaev aıtqandaı, bizdiń qazirgi jetken jetistikterimiz ultaralyq birlik pen konstıtýtsııa normalaryn buljytpaı saqtaýymyzdyń arqasynda buıyryp otyr. Konstıtýtsııa táýelsizdiktiń kepili. Ata zańymyzdyń berik negizderi memlekettiligimizdi odan ári nyǵaıtyp, táýelsizdigimizdi baıandy etýge kómektesti», - dedi QHA Almatydaǵy bólimshesiniń hatshysy Margarıta Ábdiálıeva.
Forýmǵa qatysqan jastar da óz oılaryn bildirdi.
«Biz myqty Ata zańymyz, danyshpan kóshbasshymyz barda bolashaǵymyzdyń jarqyn ekendigine senimdimiz. Bıylǵy jyl túrli mereıtoılarǵa toly. Sonyń ishinde Konstıtýtsııa merekesiniń alar orny aıryqsha. Ata zańymyz barlyǵymyzdyń quqyqtarymyz ben bostandyǵymyzǵa kepil bolyp otyr. Onyń arqasynda biz adal eńbek etip, urpaq súıip, bala tárbıelep, óz elimizde erkin ómir súrip jatyrmyz», - dedi «Jarasym» respýblıkalyq jastar uıymy tóraǵasynyń keńesshisi Úkibaı Nurpeıisov.