Almatyda Túrkistan oblysynyń aýylsharýashylyq jármeńkesi ótedi

ALMATY. QazAqparat - 23-24 qazanda Almatyda Túrkistan oblysy aýylsharýashylyǵy taýar óndirýshileriniń jármeńkesi ótedi, dep habarlaıdy QazAqparat tilshisi.

Almaty qalasynyń ákimdigi habarlaǵandaı, almatylyqtarǵa Túrkistan oblysynyń fermerleri et-sút, jemis-kókónis, shujyq, sondaı-aq, un, jarma, ósimdik, janýar maıy, basqa da ónimderdiń 50-den astam túrin usynady. «Ónimniń jalpy kólemi 367 tonnany quraıdy:et ónimi – 55 tonna; jemis-kókónis ónimi – 190 tonna; sút ónimi – 25 tonna; balyq ónimi – 5 tonna; ózge de ónimder – 92 tonna»,- delinedi habarlamada.

Jármeńke saǵat 08:00-den 17:00-ge deıin Shevchenko kóshesiniń boıynda Qonaev kóshesinen Pýshkın kóshesine deıingi («Ǵylym ordasy» RMO Arheologııa murajaıyna qarama-qarsy) mekenjaıda ótedi.