Almatyda Túrki halyqtarynyń mádenı qory Naýryz merekesin atap ótti

Atalmysh qor merekeni «Túrki álemi» gazeti, Almaty qalasy jastar saıasatyn damytý memlekettik qory, Almaty qalasy mádenıet basqarmasynyń «Almaty áýenderi» memlekettik kásipornymen birlese otyryp uıymdastyrdy.

Іs sharanyń negizgi maqsaty - Qazaqstanda ómir súretin barlyq halyqtyń dostyǵyn nyǵaıtý, shyǵys kúntizbesi boıynsha keletin dástúrli jańa jyldy qarsy alý, túrki halyqtarynyń ózine tán ádet-ǵuryppen, salt-dástúrimen, ulttyq ónerlerimen tanystyrý.

«Naýryz merekesimen barsha túrki halyqtaryn quttyqtaımyn. Biz qazir osynda túrki halyqtarynyń birazynyń basyn qosyp otyrmyz. Ózderińiz kórip otyrsyzdar, munda uıǵyr, tatar, ázirbaıjan, túrikter, sondaı-aq, shet elden kelgen túrikter jınalyp otyrmyz. Al, jaqynda prezıdentimiz túrki halyqtary prezıdentteriniń basyn qospaq. Jınalǵan barsha túrki halqyn birinshiden ulttyq tynyshtyqty saqtap otyrǵan Elbasy N.Nazarbaevty jeńisimen quttyqtaımyn. Sol yntymaqtyń arqasynda búginde, mine ulttyq merekemizdi toılap otyrmyz. Aldaǵy kúnderde de tynyshtyǵymyz nyǵaıa bersin!», - dedi Túrki halyqtary mádenı qorynyń prezıdenti Ahmet Daǵduran.

Mereke aıasynda ulttyq oıyn túrlerinen jarys boldy. Sondaı-aq, ár ulttan quralǵan ónerpazdar ózderiniń ónerlerin pash etti.