Almatyda týrızmnen qansha tabys túsedi
ALMATY. QazAqparat - Almatynyń týrıstik áleýetiniń arqasynda qala bıýdjetine qansha qarjy túsip otyr? Bul suraqqa qaladaǵy qoǵamdyq keńes otyrysynda jaýap berildi, dep habarlaıdy QazAqparat tilshisi.
Keńes músheleri aldynda qalalyq Týrızm jáne syrtqy baılanys basqarmasynyń basshysy Erlan Jaılaýbaı esep berdi.
«Týrızm salasy qalanyń Jalpy aımaqtyq ónimine 1,5% ǵana úles qosyp otyr. Elimizdiń JІÓ-de týrızm salasy 1%-dy alyp otyr. Al álemdik tájirıbede týrızm JІÓ-niń 10 paıyzyn ákeledi. Byltyr álemde 1,2 mlrd adam saıahattaǵan. Bul sandarǵa qarasaq, bizge áli de kóp jumys jasaý kerektigi kórinip tur. Uıymdasqan týrızm úlesi - 20%. 2016 jyly Qazaqstanǵa 6 mln sheteldik kelgen. Almatyda 400 000 shetel azamaty bolsa, olardyń 56 myńy ǵana týrıst retinde saıahattap kelgen», - dedi ol.
Onyń aıtýynsha, Almaty qalasynda Reseı, Iran, Qytaı, Úndistan elderinen týrıst tartýdy qolǵa almaq.
«Biz júrgizgen saraptamaǵa sáıkes saýalnama alynǵan 20 myń adam Almaty qalasyn jeke týrıstik oryn dep emes, Ortalyq Azııany túgel qarastyratyny baıqaldy. Álemdik týrıstik uıymymen birige otyryp Jibek joly» baǵdarlamasyn jasap jatyrmyz. Týrıstik marshrýt Almatydan bastalyp, Ózbekstan, Qyrǵyzstan elderiniń qalalaryn aralap, Almatyǵa qaıta oralady. Basty maqsat - qyzmet sapasyn jaqsartý», - dedi Erlan Jaılaýbaı.
Basqarma basshysy Almatynyń týrıstik ereksheligin de atap ótti.
«Almaty - taza Azııa nemese Eýropa qalasy emes. Ol kosmopolıttik aımaqtyq sımbıozy, ıÝNESKO muralary bar, Uly Jibek jolynda ornalasqan erekshe qala. Munda 30 jýyq eldiń as máziri usynylady. Munda taý týrızmi men medıtsınalyq týrızmdi damytýǵa bar kúshimizdi salamyz», - dedi E.Jaılaýbaı.
Aıta ketý kerek, burynyraq Almatyny shetelge tanytýǵa qansha qarjy bólingenin habarlaǵan bolatynbyz.
