Almatyda týrıster úshin 6 kempıng aımaǵy ornatylady
Ekologııalyq týrızmdi damytý jáne qoljetimdi ári jaıly týrıstik ınfraqurylym qurý sheńberinde Almaty qalasynyń ákimdigi megapolıs qonaqtary men turǵyndarynyń jaıly demalýy úshin 6 kempıng aımaǵyn jabdyqtaıtyn bolady. Búginde «Qaıyń toǵaıynda» kempıng aımaǵy salyndy.
5 demalys aımaǵy Úlken jáne Kishi Almaty shatqaldarynyń, onyń ishinde Gorelnık, Aqbulaq, Qyzylsaı, Kazachka, «Aı alańqaıynyń» eń tanymal jerlerinde ornatylady.
Olardyń árqaısysyna oryndyqtary bar ústelder, kúrkeler, shatyrlarǵa arnalǵan alańdar, altybaqan ulttyq naqyshtaǵy átkenshekter kiredi. Árbir kempıng aımaǵynyń mólsheri 30-da 20 metrge deıin.
«Sońǵy 3 jylda Almaty qalasyna irgeles taý shatqaldarynda týrıster arasynda belsendi ósim baıqalady. Búginde Іle-Alataý ulttyq parki Іle Alataýy taýlaryndaǵy eń kóp baratyn oryn bolyp esepteledi. Taýdaǵy qaýipsizdik jáne jaıly demalys týrızmdi damytýdyń mańyzdy maqsattarynyń biri bolyp qala beredi. Barlyq almatylyqtardy tazalyqty jáne tabıǵatty saqtaýǵa shaqyramyz», - dep habarlady ákimdikten.
Budan basqa, taýdaǵy qaýipsizdikti qamtamasyz etý boıynsha keshendi jumystar júrgizilýde, oǵan taý úıshikteri, baqylaý-qutqarý pýnkteri jáne tikushaq alańy kiredi. Taýly jerlerdegi týrıstik ınfraqurylymdy jaqsartý maqsatynda 1000 shaqyrym taýly jaıaý marshrýttar tsıfrlandyryldy, onyń 663 shaqyrymǵa jýyǵyn abattandyrý kózdelgen.
