Almatyda túrik mádenı ortalyǵynyń kórmesi ótip jatyr
ALMATY. QazAqparat - Almatyda «Ahyska» túrik ulttyq-mádenı ortalyǵynyń kórmesi ótip jatyr, dep habarlaıdy QazAqparat Habar 24.kz saıtyna silteme jasap.
Onda qala turǵyndary men qonaqtary túrikterdiń ulttyq kıimderi, turmystyq, zergerlik buıymdary jáne salt-dástúrimen tanysa alady.
Mádenı ortalyqtyń «Ahyska» dep atalýynyń ózindik tarıhı máni bar. HH ǵasyrda Túrik meshetınder turǵan aýmaq osylaı atalǵan. Qazir elimizde 200 myńǵa jýyq túrik ultynyń ókili turady. Qalalyq halyq Assamleıasy ókilderiniń atsalysýymen mundaı shara 2017 jyldan beri ótkizilip keledi. Buǵan deıin 13 ulttyq kórme ótkizilgen. Joba elimizdegi 130-dan asa etnostyń ulttyq jáne mádenı ómirin tolyq qamtymaq.
«Osyǵan deıin osetın mádenı ortalyǵynyń aýǵan, qyrym tatarlary, sheshen jáne ıngýsh ortalyqtary sııaqty kórmeler ashyldy. Bul kórmede negizinen ár halyq ózderiniń kóne buıymdaryn ákelip qoıady»,-dedi mýzeıdiń aǵa ǵylymı qyzmetkeri Quralaı Qojahanova.
