Almatyda túrik aqyny ıÝnýs Ámire jyrlarynyń qazaqsha aýdarmasy tanystyryldy
ALMATY. QazAqparat - Almatyda túrki áleminiń oıshyl aqyny ıÝnýs Ámireniń «Jyrlar» atty kitabynyń tusaýkeseri ótti, dep habarlaıdy QazAqparat tilshisi.
Almatyda QR Ulttyq kitaphanasynda túrki áleminiń uly oıyshyly ıÝnýs Ámireniń jyrlarynyń qazaqsha aýdarmasy jaryqqa shyqty. Uly shaıyrdyń jyrlaryn túrik tilinen qazaq tiline jazýshy, Qazaqstannyń Túrkııadaǵy elshiliginiń qyzmetkeri Málik Otarbaev aýdarǵan. Tusaýkeserge Ankaradan arnaıy kelgen Málik Otarbaev jolma-jol aýdarma jasaý barysynda ıÝnýs Ámire tiliniń qazaq tiline óte jaqyn ekenin baıqaǵanyn aıtty.
«Aqyn jyrlarynyń qazaq tilindegi kórkem aýdarmasyn aqyn Dáýletbek Baıtursynuly jasady. Keı óleńdi bir aı boıy aýdarǵan kúnderimiz boldy. ıÝnýs Ámireni orys tilinen nemese qazirgi túrik tilinen emes, aqynnyń ózi jyrlaryn jazǵan túpnusqa tilden aýdaryp otyrmyz. Túpnusqadan aýdarǵanymyz jeńil boldy, nege deseńiz, mysaly qazir túrik aǵaıyndardyń qoldanbaıtyn sózderin kezdestirdik. Máselen, ıÝnýs Ámire «qashan?» dep jazady. Ony qazirgi túrik aǵaıyndar qoldanbaıdy, «ne zaman?» dep suraıdy. Ol bizdiń kádimgi «qashan» degen sóz. ıÝnýs Ámireniń óleńderi bizden múldem bóten emes», - dedi aýdarmashy, jazýshy Málik Otarbaev.
Kitap redaktory aqyn Kádirbek Qunypııauly aýdarma túpnusqadan aýytqymaǵanyn aıtty.
«ıÝnýs Ámire shyǵarmalaryn aýdarý osydan 5-6 jyl buryn bastalǵan. Kitap baspaǵa jiberiler aldynda, qazaqsha aýdarmamen qosa túrikshe tupnusqasyn bereıik degen usynys tústi. Bul Túrkııada bar tájirıbe - Abaıdyń, Muqaǵalıdiń óleńderin osylaı qazaqsha-túrikshe shyǵarǵan. Osylaısha, kitap kólemi alǵashqydan ulǵaıyp, 27 baspa tabaqqa deıin jetti. Aýdarma barysynda túpnusqadan meıilinshe alystamaýǵa tyrystyq. ıÝnýs Ámire sopylyq poezııanyń iri ókili Qoja Ahmet ıAssaýıdiń ilimin jalǵastyrýshy. Jyrlary ıAssaýı hıkmetterimen úndes», - dedi Kádirbek Qunypııauly.
Kitapta Qazaqstannyń Túrkııadaǵy elshisi Abzal Saparbekuly alǵyssóz jazǵan. Kitap «An Arys» baspasynan 1000 tırajben jaryq kórdi.
