Almatyda turǵyndar jıi shaǵymdanatyn baǵdarǵa jańa avtobýstar alyndy
ALMATY. QazAqparat - Almatydaǵy №86-shy baǵdar boıynsha qatynaıtyn eski kólikterdi kondıtsıoneri men vıdeokamerasy bar jańa avtobýstar almastyrdy, dep habarlaıdy QazAqparat tilshisi qalalyq ákimdikke silteme jasaı otyryp.
«Jańa avtobýstar «Eýro 5» ekologııalyq synybyna jatady, tómen edendi, múmkindigi shekteýli jandarǵa jaǵdaı jasalǵan. Bıyl biz barlyǵy 388 avtobýs satyp aldyq, olardyń 100-i shaǵyn ári taýly jerlerge arnalǵan, qalǵandarynyń syıymdylyǵy úlken jáne ortasha», -dedi «Almatyelektrotrans»JShS-nyń dırektory Rızvan Tsınaev.
«№ 86 baǵdary «Orbıta-1» yqsham aýdanynan bastap, Azamattyq avıatsııa akademııasyna deıin baratynyn eń uzaq joldy qamtyǵan baǵdarlardyń biri. Ol ál-Farabı dańǵylyn, Fýrmanov kóshesin, Raıymbek jáne Súıinbaı dańǵyldarymen júrip ótedi», - dedi ol.
Rızvan Tsınaevtyń aıtýynsha, buǵan deıin avtobýstardyń jetispeýshiliginen kólik sırek júretin.
«Kólikter jetispeı sırek júretindikten turǵyndardan jıi shaǵym túsiretin. Bizge deıin bul baǵytqa jeke tasymaldaýshy qyzmet kórsetken edi. Endi atalǵan baǵyt tolyq jabdyqtalyp, avtobýstar keste boıynsha júretin bolady», - dedi R.Tsınaev.
Aıta keterligi, «Almaty-2020» qalalyq damý baǵdarlamasynyń basty qaǵıdalarynyń biri - qoǵamdyq kólikti reformalaý, sonyń barysynda kólikter jańarýda.
Eske salsaq, buǵan deıin №65, 50, 103, 126, 112 baǵdarlary jańarǵan edi. Bularmen qosa №77 baǵyt ta óziniń jumysyn jańǵyrtty. Jyl aıaǵyna deıin Almaty qalasynyń ákimdigi megapolıstegi avtobýs parkiniń 30%-yn jańartýdy josparlap otyr.
