Almatyda turǵyndar jıi shaǵymdanatyn baǵdar boıynsha jańa avtobýstar jolǵa shyqty
ALMATY. QazAqparat- Almatyda kólik reformasy jáne qoǵamdyq kólik júıesin turaqtandyrý aıasynda jyljymaly quramdy jańalaý jumystary jalǵasyn tapty, dep habarlaıdy QazAqparat tilshisi.
Búgin búgin «Isuzu» markaly jańa avtobýstar áleýmettik mańyzy bar №22 baǵyt boıynsha qyzmet kórsete bastady.
Buryndary Naýryzbaı aýdanynan Ortalyq demalys jáne mádenıet saıabaǵyna deıin baratyn jyljymaly quramnyń talapqa saı emestigine, qozǵalys jıiliginiń nasharlyǵyna qatysty shaǵym kóp túsetin.
Búgin atalǵan baǵyt boıynsha 2017 jylǵy «Isuzu» markaly 11 avtobýs (1-i rezervte) jolǵa shyqty, jańa avtobýstardy «BaTý travel kompanııasy» JShS satyp alǵan. Avtobýstar tómen edendi, syıymdylyǵy ortasha, jyljymaly pandýstarmen jabdyqtalǵan.
Kólik reformasy aıasynda №70, 86, 65, 103, 50, 126, 112 baǵyttar boıynsha jańa avtobýstar júre bastady, №77 baǵyt qaıta ashyldy.
Jalpy, bıyl Almatyda 388 avtobýs alýǵa qarjy bólindi, olardyń 165-i tıisti baǵyttar boıynsha qyzmet kórsetýde, qalǵan 233-i jyl aıaǵyna deıin jolǵa shyǵady. Jeke tasymaldaýshylar da 254 jańa avtobýs aldy, olardyń 91-i baǵyttarda. Jyl aıaǵyna deıin taǵy 20 avtobýs jolǵa shyǵady, qalǵan 163 avtobýs 2018 jyldyń birinshi toqsanynda keledi.
