Almatyda turǵyndar úshin qandaı áleýmettik jobalar júzege asyryldy
ALMATY. QazAqparat – Almaty qalasy Medeý aýdany ákiminiń orynbasary Berik Soltanbaev onlaın brıfıng barysynda áleýmettik jobalar týraly aıtyp berdi, dep habarlaıdy QazAqparat tilshisi.
«Áleýmettik jobalardy júzege asyrýǵa keletin bolsaq, Medeý aýdanynda balalarǵa arnalǵan alty aýdandyq kitaphanada júıelengen úıirme bar. Aýdannyń jalpy bilim beretin 28 mektebinde tegin úıirmeler uıymdastyrylǵan. Atap aıtqanda, búgingi kúni aýdanda 5257 balany qamtıtyn 259 tegin shyǵarmashylyq úıirme jumys isteıdi. 83 tegin sport sektsııasynda mektep jasyndaǵy 4694 bala sportpen aınalysýǵa múmkindik aldy»,– deıdi Berik Soltanbaev.
Sonymen qatar, ol aýdanda 39 jalpyǵa qoljetimdi workout alańy, 35 fýtbol alańy, 48 basketbol alańy jumys isteıtinin atap ótti.
Aýdanda qoljetimdi áleýmettik nysandar jelisin damytý maqsatynda túrli sport túrleri boıynsha tegin sektsııalardy uıymdastyrý jumystary júrgizilýde. Qazan aıynyń sońynda kópbalaly jáne az qamtylǵan otbasylardyń balalary úshin «Medeý» atty 2 fýtbol sektsııasy qoljetimdi boldy. Áleýmettik joba aıasynda 50 bala fýtbol sektsııasyna tegin qamtyldy. Ata-analardyń suranystary negizinde jyl sońyna deıin 30 balaǵa arnalǵan 3 fýtbol sektsııasyn uıymdastyrý josparlanyp otyr»,– dedi ol.
Budan bólek, aýdanda jańa áleýmettik nysandardy paıdalanýǵa berý jumystary júrgizilýde. Atap aıtar bolsaq, ashyq aspan astyndaǵy fıtnes-klýb, basketbol men voleıboldan tegin sektsııalar, dombyra úıirmesi, ulttyq qolóner buıymdaryn daıyndaıtyn jastar sheberhanasy, «Shyńǵa órleý» áleýmettik klýby, sondaı-aq jańa zamanaýı kitaphana.
