Almatyda turǵyndar shaǵymynan keıin stadıon ornyna qurylys júrgizilmeıtin boldy
ALMATY. QazAqparat - Almaty qalasynyń Bilim jáne Jaıly qalalyq orta basqarmalary Áýezov aýdanyndaǵy «Taýgúl» shaǵynaýdan turǵyndarynyń №2 Almaty memlekettik gýmanıtarlyq-pedagogıkalyq kolledjin keńeıtý týraly ótinishine oraı túsinik berdi, dep habarlaıdy QazAqparat tilshisi.
Ákimdik, stadıonnyń qaýipsizdigine qatysty alańdaýshylyq bildirgen turǵyndardyń pikirin eskere otyryp, sarapshylarmen jáne halyqpen birqatar keńester men kezdesýler ótkizilgenin atap ótti.
«Pedagogıkalyq kolledjdiń áleýetin, sondaı-aq jaqyn mańdaǵy turǵyndardyń múddelerin keńeıtýdiń shuǵyl qajettiligin eskere otyryp, kelesi sheshim usynyldy: qoldanystaǵy aýmaqqa – stadıonǵa tıispeı, kolledj aýmaǵynda jańa ǵımarat salynady»,- delingen habarlamada.
Sonymen qatar turǵyndardyń demalysy men ýaqyttaryn paıdaly ótkizýi úshin stadıon aýmaǵy abattandyrylatyny, ony turǵyndardyń pikirin eskere otyryp jasalatyny aıtyldy. Jurtshylyq bul jerge erkin kire alady.
