Almatyda turǵyndar shaǵymynan keıin kóshedegi eski qubyrlar alynyp tastaldy

ALMATY. QazAqparat – Almatyda bir jyldan beri kóshe boıynda jatqan eski qubyr alynyp tastaldy, dep habarlaıdy QazAqparat tilshisi.

Tozyǵy jetken qubyrlardyń Chaplygına kóshesinde jatqanyna bir jyl boldy. Kóshe boıynda 52 jeke úı bar, onda 67 otbasy turady jáne árqaısysynyń balalary bar. Kommýnaldyq qyzmet umytyp ketken eski qubyrlar balalardyń oınaıtyn jerine aınaldy. Tipti bir bala jaraqat alǵan. Turyǵyndar aýdandyq ákimdikke shaǵym túsirdi.

Jetisý aýdandyq ákimdiginiń habarlaýynsha, qazir qubyrlardy alyp tastaý jumystary júrgizilýde. Alaıda ákimdikke zardap shekken bala týraly eshkim shaǵym túsirmegen.

«Qulaǵan bala tabylmady. Shamasy bul jazda bolǵan oqıǵa. Bizge eshkim júginbedi», - dep habarlady ákimdik.

Sonymen birge sheneýnikter, qubyrlardy tolyq alyp tastaǵanan keıin, oıyn alańyn qaıta qalpyna keltirip berýge ýáde etti.