Almatyda turǵyn úılerdiń kireberisterine alǵashqy jınalmaly pandýstar ornatyldy

Olar birinshi kezekte balalar jáne múgedekterdiń arbalaryn túsirip-shyǵarýǵa arnalǵan.

Pandýstar kireberistegi esik pen lıft arasyndaǵy baspaldaqqa ornatyldy. Ádette, bul jer jas analar men múgedekter úshin qıyndyq týǵyzatyny belgili.

Pandýs syǵymdalǵan alıýmınııden jasalǵan. Beti syrǵanaq emes. Pandýstyń tabanynyń eni 20 santımetrden asady. Demek, barlyq qol arbalardyń 90 paıyzyna sáıkes keledi degen sóz. 130 kelige deıin salmaqty kótere alady. Qajetsiz kezde qabyrǵaǵa bekitilip qoıylatyn pandýsty názik jandylar da ońaı jazyp, qaıta jınaı alady.

Almaty qalalyq turǵyn úı jáne turǵyn úı ınspektsııasy bóliminiń aǵa mamany Maýlet Álmuhambetovtiń aıtýynsha, jınalmaly pandýs qazirgi tańda turǵyn úıler úshin óte tıimdi.

«Bizdegi turǵyn úılerdiń kireberis dálizderi tar. Al ol jerge statsıonarlyq pandýstardy ornatý órt qaýipsizdigine qaısha keledi jáne turǵyndarǵa da yńǵaısyzdyq týǵyzady. Al qaıyrmaly pandýsty tek qoldanar kezde ǵana jaıyp qoıasyz. Qalǵan ýaqytta qabyrǵada bekitýli turady jáne eshkimge kedergi keltirmeıdi» - dedi óz sózinde Maýlet Álmauhambetov.

«Men bul iske jobany uıymdastyrýshy retinde ǵana emes, jas áke retinde de kiristim. Árbir er azamat úshin úıdegi áıeli men balasynyń qaýipsizdigi óte mańyzdy» - dedi óz kezeginde «Jolyń bolsyn, balaqaı!» jobasynyń úılestirýshisi Turǵanjan Qasymov. - Biz bul joba arqyly osy máseleni sheshýge bolatyndyǵyn kórsetkimiz keledi. ıAǵnı tar kireberisterge jınalmaly pandýstardy ornatýǵa bolady. Bul, ásirese jas analarǵa úlken kómek. Ekinshiden, men árqaısymyzdyń qoǵamnyń kez kelgen máselesin sheshýge belsene atsalysa alatyndyǵymyzdy pash etkim keldi».

Endi joba aıasynda bolashaqta qaladaǵy basqa da turǵyn úılerge jınalmaly pandýstar ornatý kózdelýde.