Almatyda turǵyn úılerdi torýyldaý kúsheıtildi - ІІM
ALMATY. QazAqparat - Almatyda tynysh aýdandardaǵy quqyq buzýshylyq pen qylmysty der kezinde anyqtaý maqsatynda polıtseıler turǵyn úıler mańyn tekserýge kiristi, dep habarlaıdy QazAqparat tilshisi.
«Jaıaý torýyldaýǵa Ulttyq Gvardııa áskerılerin qosqanda bir jarym myń ishki ister organy qyzmetkerleri jumyldyrylǵan. Baqylaý jospary 660 mekenjaıǵa baǵyttalǵan. Jaıaý jasaq eki aýysymǵa bólinip jumys isteıdi. Tekserý kezinde olar kez kelgen zańǵa qaıshy áreketke nazar aýdarady. Sondaı-aq kólik turaǵyn qadaǵalap, úı aınalasyn ańdyp júrgen kúmándi adamdardan jón suraıdy. Qujattary bolmaǵan jaǵdaıda olardy aýdandyq ishki ister basqarmasyna jetkizedi. Tártip saqshylary izin sýytpaı 14 qylmysty anyqtady. Nátıjesinde ishki ister organynan 600 adam ákelindi. Olardyń 29-y jeke basyn anyqtaý bólimshesine ornalastyryldy. Kóshi-qon zańyn buzyp júrgen 18 shetel azamaty ustaldy. Sondaı-aq iz kesýshiler 700 adamdy ákimshilik jaýapkershilikke tartqan. Olardyń ishinde qoǵamdyq orynda ishimdik iship, usaq buzaqylyq jasap, turǵyndardyń mazasyn alǵandar da bar»,- dedi qalalyq ІІD resmı ókili Saltanat Ázirbek.
