Almatyda turǵyn úılerdi gazben qamtamasyz etý jumystary jalǵasýda
ALMATY. 16 shilde. QazAqparat /Ádilet Musahaev/ - Almatyda jeke turǵyn úılerdi gazdandyrý jumystary jalǵasýda. Halyqtyń eń tyǵyz ornalasqan Áýezov aýdanynda bul is belsendi júrýde. El táýelsizdik alǵannan beri bul aýdanǵa qala mańyndaǵy 28 aýyl qosylǵan.
«Shkolnık», «Dýbok», «PMK» jáne «Aftsınao» yqsham aýdandarynda 465 jeke úı men 80 kóp qabatty turǵyn úı ortalyq jylý berý qubyryna qosylǵan. Alaıda apattyq jaǵdaılardyń oryn alýy men bul aımaqttyń jylýmen tolyq qamtamasyz etilmeýinen 2009 jyly jeke menshik úılerdi ortalyq jylý berýden ajyratyp, olardy gazdandyrýǵa kóshirý máselesi qolǵa alynǵan bolatyn. Osy turǵyda qazir dıametri 600 mm, uzyndyǵy 2600 metr bolatyn jylý magıstrali jelisin qaıta jańartý jumystary júrip jatyr. Іstiń 50 paıyzy atqarylǵan, osy jyldyń qazan aıyna deıin jumys tolyqtaı aıaqtalady dep kútilýde.
Jalpy Áýezov aýdanynda 17172 jeke menshik úı bar bolsa, onyń 402-si ortalyq jylý berý qubyryna qosylǵan, 13 167-si tabıǵı gazdy paıdalanady, al 3606 tútin kómirmen úılerin jylytýda.
