Almatyda turǵyn úıler aýmaǵy endi aýdan ákimdikteri esebinen tazartylady

ALMATY. QazAqparat – 2023 jyldyń 1 qańtarynan bastap Almatyda turǵyn úılerdiń aýmaǵy aýdan ákimdikteri esebinen tazartylady. Bul týraly qala ákimi Erbolat Dosaev Túrksib aýdany turǵyndarymen kezdesýinde málim etti, dep habarlaıdy QazAqparat tilshisi.

Kezdesýge kelgen turǵynnyń biri Túrksib aýdanynda oıyn alandary tazalanbaıtynyn aıtty.

«Aýdandyq ákimdik balalar oıyn alańyn tazalaǵysy kelmeıdi. Aýdan ákimdigi men páter ıeleri kooperatıvinen kelgen adamdar PIK tazalaıdy dep sendirdi, alaıda olarda qarajat joq. Alańdardy tazalaýǵa aqshamyz jetpeıdi», - deıdi turǵyn.

«Men sizben kelisemin. 2023 jyldyń 1 qańtarynan bastap meniń bastamam boıynsha aýdandarǵa úıishilik aýmaqtardy tazalaýǵa qarajat bóletin bolamyz», - dedi Erbolat Dosaev.