Almatyda turǵyn úıge taıaý jerde topyraq kóshkini júrdi

ASTANA. QazAqparat - Almaty qalasy Medeý aýdanynyń Mıakoıana kóshesinde topyraq kóshkini júrdi, dep habarlaıdy «Qazseldenqorǵaý» MM saıty .

«AQPB» mamandarynyń tekserý jumystary boıynsha, Medeý aýdany Sulýsaı yqsham aýdanynyń Dostyq kóshesi №1A úıiniń shyǵys jaǵynda jańbyrdyń tolassyz jaýyp, topyraqtyń shamadan tys ylǵaldanýy saldarynan 250m³ kóleminde topyraq kóshkini júrgen. Opyrylyp túsken topyraq massasy úıge deıin jetken.

Málimet boıynsha, turǵyn úıge zaqym kelmegen. Zardap shekkender men qaza tapqandar joq. Jaýyn-shashyn mólsheriniń mol túsýi saldarynan topyraq kóshkini júrý qaýpi áli de saqtalýda. Medeý aýdandyq ákimdigine apat bolǵan aýmaqty tazalaý týraly usynys aıtyldy.