Almatyda turǵyn úıge qosymsha salynǵan qurylys nysany súriletin boldy

ALMATY. QazAqparat – Almatyda Máýlenov kóshesi, 96/77 úıge qosymsha salynǵan eki qabatty qurylys nysany ruqsatsyz salynǵan, dep habarlaıdy QazAqparat tilshisi.

Almaty ákimdiginen habarlaǵandaı, buǵan deıin qala qurylysyn baqylaý basqarmasynyń tekseris qorytyndysy boıynsha atalmysh nysan belgilengen tártipte saraptamadan ótken jobalyq-smetalyq qujattamasyz, sáýlet-tehnıkalyq qadaǵalaýdy tartýsyz, qurylystyń bastalýy týraly habarlamasyz sharýashylyq ádispen júrgizilgeni anyqtalǵan.

«Almaly aýdandyq soty basqarmanyń talaptaryn qanaǵattandyrdy. 11 sáýirde sot oryndaýshylarynyń qatysýymen qosymsha qurylys nysanyn buzý jumystary bastaldy», - dep habarlady ákimdiktiń baspasóz qyzmeti.

Eske salaıyq, Almatyda turǵyndardyń shaǵymynan soń dámhananyń terrasasy súrilgen bolatyn.