Almatyda turǵyn úıdiń tóbesine zańsyz salynǵan iri qurylys buzyldy
Qala qurylysyn baqylaý basqarmasynyń málimetinshe, sot sheshimimen Qurmanǵazy kóshesi, 145 mekenjaıynda ornalasqan mezonın zańsyz dep tanyldy.
Páterlerdiń biriniń ıesi turǵyn úıdiń shatyryna mezonın turǵyzyp, qabyldaý komıssııasynyń aktisimen ony paıdalanýǵa bergen.
2021 jyldyń 7 shildesinde basqarma Almaly aýdanynyń sotyna qabyldaý komıssııasynyń aktisin jaramsyz dep taný, qurylysty óz erkimen taný jáne menshik ıesiniń mezonındi óz esebinen buzý mindettemesi týraly talap aryz joldandy.
Іs boıynsha sot talqylaýy uzaqqa sozyldy, 2022 jyldyń 7 jeltoqsandaǵy qorytyndysy boıynsha Almaty qalalyq sotynyń qaýlysymen birinshi satydaǵy sottyń sheshimi ózgerissiz qaldy, basqarmanyń talaptary qanaǵattandyryldy.
«Sottyń sheshimi zańdy kúshine engennen keıin atqarý paraǵy Ádilet departamentine jiberildi. Menshik ıesi óz betinshe ǵımaratty buzýǵa kiristi»,- dep habarlady basqarmadan.
