Almatyda turǵyn úıdiń shatyry órtendi
ALMATY. QazAqparat - Almatyda 5 qabatty úıdiń shatyry órtendi. Turǵyn úıden 100 adam qutqaryldy, onyń 20-sy balalar, dep habarlaıdy QazAqparat tilshisi qalalyq TJD baspasóz qyzmetine silteme jasap.
18 maýsym kúni saǵat 8:17-de qalalyq TJD-niń «101» pýltine turǵyn úıde órt shyqqany týraly habar kelip túsken. Almaly aýdanyndaǵy Muratbaev kóshesinde ornalasqan 186-úıdiń shatyry órtengen.
«Órt sóndirý qyzmeti oqıǵa ornyna 08:43-te, ıaǵnı 5 mınýttan keıin jetti. 5 qabatty turǵyn úıdiń shatyry órtengen. Órt kezinde 100 adam qutqaryldy, onyń 20-sy balalar. Aldyn ala boljam boıynsha 190 sharshy metr aýmaq otqa oranǵan. Órt 8:43-te tolyqtaı aýyzdyqtaldy», - delingen baspasóz habarlamasynda.
Órt sóndirý jumystaryna 42 qutqarýshy men 17 tehnıka jumyldyryldy. Oqys oqıǵadan eshkim zardap shekpedi.
