Almatyda turǵyn úıden shyqqan órtten tórt adam qutqaryldy
ALMATY. QazAqparat - Almatynyń órt sóndirýshileri órtten tórt adamdy alyp shyǵyp, 40-tan astam turǵyndy qaýipsiz jerge kóshirdi, dep habarlaıdy QazAqparat tilshisi.
Órt búgin, 7 jeltoqsan kúni tańerteń Bostandyq aýdanyna qarasty №12 Kóktem yqshamaýdanynda bolǵan. Órt sóndirýshiler kelgende 5-turǵyn úıdiń 5-qabatyndaǵy baspaldaq alańy qoıý tútinge oranyp jatty. Bul turǵyndardy syrtqa alyp shyǵýǵa kedergi keltirgen. Sondyqtan órt sóndirýshiler úsh aıaqty baspaldaqtar men AL-37 avtobaspaldaqtar arqyly adamdardy terezeden shyǵaryp alǵan. Tórt adam qutqarylyp, 45 turǵyn qaýipsiz jerge kóshirildi. Onyń beseýi balalar.
Órt 5 qabatty úıdiń 5-qabatynda shyǵyp, 30 sharshy metr aýmaqqa taralǵan.
Tańsholpan Begalyqyzy
