Almatyda turǵyn úıde órt bolyp, 30 adam evakýatsııalandy
ALMATY. QazAqparat - Almatyda jeke turǵyn úıde órt bolyp, 30 adam qaýipsiz aımaqqa kóshirildi. Olardyń ekeýi balalar, dep habarlaıdy «QazAqparat» HAA-niń tilshisi, qalalyq Tótenshe jaǵdaılar qyzmetine silteme jasap.
Esterińizge sala keteıik, Panfılov kóshesinde órt bolǵandyǵy jónindegi habar saǵat 22-19-da kelip tústi. Bes mınýt ótken soń oqıǵa ornyna órt sóndirýshiler kelip jetti.
Tótenshe jaǵdaılar qyzmetiniń ókilderi jetkenshe, 8 qabatty turǵyn úıdiń shatyry janǵan. Órt saǵat 23-03-te aýyzdyqtaldy. Jalyn sharpyǵan aımaq 35 sharshy metrdi qurady.
Qurban bolǵandar men zardap shekkender joq.
