Almatyda turǵyn úı tártibin damytý týraly pikirsaıys týrnıri ótedi

Onda eki kún boıy stýdenttik komandalar zaemdardy qaıtarý táýekelin azaıtýdyń tetikterin jáne úleskerler máselelerin sheshý nusqalaryn usynady. Sondaı-aq óz betimen jer telimderin basyp alý máselesin sheshý, halyqtyń áleýmettik álsiz toptaryna arnalǵan ıpotekalyq nesıeleý baǵdarlamasy men memlekettik jańa turǵyn úı qurylysy baǵdarlamasyn talqylaıdy.

Bul pikirsaıys qoǵamdyq talqylaý arqyly eldegi turǵyn úı tártibin taldaýda jastardyń áleýmettik jáne shyǵarmashylyq belsendiligin arttyrý men stýdenttik pikirsaıys qozǵalysyn damytýdy maqsat tutady. Oǵan «Qazaqstan ıprotekalyq kompanııasy» AQ qoldaý kórsetip otyr. Eýrazııa naryq ınstıtýtynda ótetin bul shara 4 irikteý kezeńinen turady. Onda ár komanda quramynda 2 oıynshy jáne 1 tóreshiden bolady. Amerıka Parlamenti úlgisinde ótetin pikir-saıys qorytyndysynda «Úzdik spıker», «Úzdik tóreshi» ataǵyn alǵandar gramota jáne baǵaly syılyqtarmen marapattalmaq.