Almatyda turǵyn úı órtenip, 2 adam ystan ýlandy
ALMATY. QazAqparat - Almatyda «Súleımenov, 24 A» mekenjaıynda ornalasqan «Mırnyı» turǵyn úıinen órt shyqty, dep habarlaıdy QazAqparat tilshisi.
Tótenshe jaǵdaı 11-qabattaǵy páterde bolǵan.
Er adam temeki shekken kúıi uıyqtap ketken. Sonyń kesirinen úıdegi barlyq múlik otqa oranǵan. Der kezinde kelgen áıeli órt sóndirýshilerdi shaqyryp úlgergen.
Órt sóndirýshiler 50 shaqty adamdy qaýipsiz jerge kóshirdi.
Qyzyl jalyn 5 sharshy metrdi sharpyǵan.
Er adam men áıeli ystan ýlandy degen dıagnozben aýrýhanaǵa jetkizildi.
