Almatyda turǵyn úı -kommýnaldyq sharýashylyǵyn jańartý josparyn jasaý jónindegi qoǵamdyq komıssııa quryldy
ALMATY. Maýsymnyń 22-si. QazAqparat /Erlik Erjanuly/ - Búgin Almatyda qala ákiminiń tóraǵalyq etýimen turǵyn úı- kommýnaldyq sharýashylyǵyn jańartý josparyn jasaý jónindegi qoǵamdyq komıssııanyń birinshi uıymdastyrý májilisi ótti,
dep habarlaıdy QazAqparat.
"Biz ortaq is úshin yntymaqtasamyz. Eger usynystar túsip jatsa, bul jalpy qoǵamnyń ıgiligine jaratylady. Biz barlyq usynystardy qabyldaımyz jáne barsha qoǵamdyq uıymdarmen yntymaqtastyq jasaımyz", deıdi qala ákimi Ahmetjan Esimov. Ákimniń aıtýynsha, turǵyn úı -kommýnaldyq sharýashylyq salasy kez-kelgen qalada úlken jáne kúrdeli júıe. Onda árdaıym árqıly saýaldar týyndap otyrady.
Bul otyrysta turǵyn úı, energetıka jáne kommýnaldyq sharýashylyq basqarmalaryna tapsyrma júkteldi. Olar Monopolııaǵa qarsy komıtetpen birlesip tamyzdyń 1-ine deıin Almaty qalasynyń turǵyn úı- kommýnaldyq sharýashylyǵyn jańartýdyń josparyn jasaýy tıis. Odan keıin mamandandyrylǵan ınstıtýttar jospar jobasyna óz baǵasyn bergen soń qujat jalpy talqylaýǵa usynylmaq.
