Almatyda turǵyn úı keshenindegi kólik turaǵy órtendi
ALMATY. QazAqparat - Almatyda turǵyzylyp jatqan turǵyn úı kesheniniń kólik turaǵynda órt boldy, dep habarlaıdy «QazAqparat» HAA tilshisi.
Qalalyq TJ departamentiniń habarlaýynsha, órt Medeý aýdanyndaǵy ál-Farabı dańǵyly, 1 «B» mekenjaıynda tutanǵan. Qurylys jumystary júrip jatqan 12 qabatty «Falkonsıtı» TK avtoturaǵynda qurylys qaldyqtary otqa oranǵan.
«Alǵashqy órt sóndirýshiler toby oqıǵa ornyna 08:55-te jetti. Órt 09:01-de toqtatylyp, 09:11-de tolyq sóndirildi. Jalyn sharpyǵan aýmaq 25 sharshy metrdi quraıdy», - dep habarlady qalalyq TJD resmı ókili Sandýǵash Baımuhambetova.
Órt saldarynan eshkim zardap shekken joq.
