Almatyda túnniń jarymyna deıin jumys istegen 23 nysannan qonaqtar shyǵaryldy
Almatyda sanıtarlyq-epıdemııalyq sharalardyń saqtalýyna baqylaýdy kúsheıtý aıasynda monıtorıng toptary jumysyn jalǵastyrýda.
7 qarashasynan 8-ne qaraǵan túni 21 monıtorıngtik top qyzmet etti, onyń quramyna sondaı-aq, volonterlar kirdi. Basty maqsaty — juqtyrýdy boldyrmaý úshin adamdardyń jappaı jınalýynyń jolyn kesý.
Bir túnde barlyǵy 144 nysan tekserildi. Sonyń ishinde tekserý barysynda 118 nysan jabyq turǵan, ıaǵnı belgilengen jumys rejımin saqtaǵan.
Sonymen birge, kelýshilerdiń bolý ýaqyty toqtatylyp, Áýezov aýdanynyń aýmaǵynda ornalasqan 16 mekemeden qonaqtar shyǵaryldy.
Kemshilikter myna nysandardan anyqtaldy:
1. «Smat» bılıard (Jandosov k. 188a);
2. «Moskva» bılıardy (Jandosov k. 59v);
3. «Hınkalnaıa» meıramhanasy (Pıatnıtskıı k. 32);
4. «Veselidze» dámhanasy (Jetysý-4, 32);
5. «Almaly» meıramhanasy (Aqsaı, 1A, 11/2);
6. «Ryba moeı mechty» karaokesi (Naýaı, 97);
7. «Motor club Almaty» bary (4 sh. a., 1A);
8. «Go» ınternet-klýby (Aqsaı-1, 11/7);
9. «NUKE» kompıýter klýby (Taýgúl-1, 72/1);
10. «Pıramıda» bılıard klýby (8 sh. a., 26 A);
11. «BALR» oıyn klýby (Aqsaı-1, 11/9);
12. «Altay Gold» meıramhanasy (Tóle bı k. 300/1);
13. «Lafe hotpot» dámhanasy (Tóle bı k. 285g);
14. «Grand Osteria» dámhanasy (Aqsaı-4, 18A);
15. «Sharık Malık» oıyn-klýby (Naýaı k. 162A);
16. Kompıýter klýby (Taýgúl, 24).
Bostandyq aýdanynda 6 mekemeden qonaqtar shyǵaryldy:
1. «Býrger HOT» (Áýezov k. 183);
2. «Sunset» meıramhanasy (Ál-Farabı d. 5k2a);
3. «Headshot» kompıýter klýby (Markov k. 28) ;
4. «Honey-Honey» dámhanasy, Ál-Farabı d. 77/1;
5. «Sushi Raı» sýshı-bary, Abaı d. 52/2;
6. «Tamark» saýnasy, Melnıkaıte k. 33.
Sonymen birge, Tımırıazev kóshesi, 32 mekenjaıyndaǵy «Versailles» meıramhanasynda zań buzýshylyq faktisi (karaoke istep turǵan) anyqtaldy.
Óz kezeginde Medeý aýdanynyń aýmaǵynda monıtorıngtik toptar jumys rejiminiń saqtalýyna túngi klýbtardy tekserdi. Jumys barysynda «Bla bla bar» túngi klýbynda sanıtarlyq normalardyń buzylý faktileri anyqtaldy.
Mobıldi top kelgen kezde nysan qyzmet istemeı turǵan ispetti bolǵan. Alaıda Polıtsııa basqarmasynyń qosamsha kúshin shaqyrǵannan keıin, túngi klýb ákimshiligi qaqpany ashyp, ol jerde buzýshylyq faktisi tirkeldi.
Kelýshiler mekemeden ketti, qonaqtardyń birqatary shyǵýǵa arnalmaǵan jerlerden ketý tásilin qoldanǵan (osyǵan deıin áleýmettik jelilerde kelýshilerdiń qaqpadan sekirip shyqpaq bolǵan vıdeo paıda boldy).
Anyqtalǵan barlyq buzýshylyqtar boıynsha joǵaryda atalǵan mekemelerdiń jaýapty tulǵalarynan tıisti sharalardy qabyldap, materıaldardy berý úshin túsinikteme alyndy, sonymen birge, karantın sharalaryn qatań saqtaý qajettigi jáne zań buzýshylyqtardy joıýǵa qatysty sáıkes túsindirý júrgizildi.
Almaty ákimdigi qala turǵyndaryn belgilengen sanıtarlyq-epıdemııalyq talaptardy saqtaýǵa shaqyrady. Adamdar kóp jınalatyn jerlerge barý ınfektsııa qaýpin arttyrady. Sımptomsyz tasymaldaýshylar koronavırýs ınfektsııasynyń qozdyrǵyshy bolýy múmkin ekenin eskergen jón.
Osyǵan baılanysty aldyn alý sharalaryna beı-jaı qaramaı, maska rejımi jáne áleýmettik qashyqtyqty saqtaýdy ótinip suraıdy. Óz kezeginde, kez kelgen menshik nysanyndaǵy kásipkerlik sýbektileri kelýshilerdiń bolýy men personaldyń jumysynyń barynsha qaýipsiz jaǵdaılaryn qamtamasyz etýi tıis.
Esterińizge sala keteıik, Qazaqstanda koronavırýs ınfektsııasyn juqtyrýdyń 116 myń jaǵdaıy tirkelgen, onyń 15 myńǵa jýyǵy Almaty qalasynda. Elde 1857 adam qaıtys boldy. Ótken táýlikte Qazaqstanda koronavırýs ınfektsııasyna oń PTR nátıjesi bar 723 naýqas anyqtaldy, onyń ishinde 28-i - Almaty qalasynda.