Almatyda túnimen jaýyn-shashyn bolyp, kóshe aryqtaryn sý basty
ALMATY. QazAqparat - Almatyda 22 qarashadan 23 qarashaǵa qaraǵan túni qatty jaýyn-shashyn bolyp, qalanyń problemalyq ýchaskelerindegi aryqtar sýǵa toldy, dep habarlaıdy QazAqparat tilshisi.
Almaty qalasy ákimdiginiń málimeti boıynsha túnde qalada jańbyr, taýda qar jaýdy, Shymbulaqta 20 sm-ge qar tústi.
«Qala boıynsha barlyǵy 52 birlik tehnıka, 27 motopomp, 2390 dana ydys-qap jáne 104 jumysshy jumyldyryldy. TJD jelisi boıynsha sý basý shaǵymy tirkelgen joq. Alaıda problemalyq ýchaskelerde ásirese, Raıymbek batyr kóshesinen tómen aýdandarda aryqtardyń sýǵa tolyp ketý faktisi boldy. Árbir fakt eskerilip, sýdy burý sııaqty jedel sharalar qabyldandy»,- dep habarlady ákimdikten.Eske salaıyq, Qazgıdromet 23 qarashada Qazaqstannyń basym bóliginde qubylmaly aýa raıy saqtalyp, jańbyr men qar túrinde jaýyn-shashyn, shyǵysta - qar jaýatynyn habarlaǵan bolatyn.
