Almatyda túnimen qalyń qar jaýyp, jol qozǵalysyn qıyndatty
ALMATY. QazAqparat – Almatyda túnimen qar jaýdy. Tazalaý jumystaryna arnaıy tehnıkalar jumyldyryldy, dep habarlaıdy QazAqparat tilshisi.
«Túnde kóktaıǵaqqa qarsy tıisti sharalar qabyldanyp, jolǵa 2650 tonna materıaldar sebildi. Oǵan 630 arnaıy tehnıka jumyldyryldy, onyń ishinde 234 qumsepkish tehnıkasy bar. 1907 jumysshy qar tazalady»,- delingen qalalyq kommýnaldyq qyzmettiń habarlamasynda.
Qazirgi ýaqytta trotýarlardy, jaıaý júrginshiler aımaqtaryn, qoǵamdyq kólik aıaldamalaryn, avtoturaq «qaltalaryn», jer ústi ótkelderin, saıabaqtar men skverlerdi qardan tazartý jumystary júrip jatyr. Saǵat 9. 00-den bastap jol polıtsııasy patrýldik mashınalarynyń erip júrýimen qar tazalaıtyn kolonnalar uıymdastyryldy.
Kazgıdromettiń boljaýy boıynsha búgin aýa temperatýrasy kúndiz mınýs 2 gradýsqa deıin bolady, qar keshke qaraı toqtaıdy.
