Almatyda túni boıy jaýǵan jańbyr sońy qarǵa ulasty
ALMATY. QazAqparat – Almatyda túnimen qar jaýdy. Tazalaý jumystaryna arnaıy tehnıkalar jumyldyryldy, dep habarlaıdy QazAqparat tilshisi.
Almatyda túnde jańbyr jaýyp, onyń sońy qarǵa aınaldy. Mamandardyń aıtýynsha, túnde qalaǵa 3 sm, al taýly aımaqtarǵa 6 sm qar tústi.
Kóktaıǵaqtyń aldyn alý úshin joldarǵa, qıylystarǵa kóktaıǵaqqa qarsy materıaldar sebildi.
Sondaı-aq bıik taý joldarynan (Shymbulaq) qar shyǵaryldy.
Qaladaǵy qar tazalaý jumystaryna 285 tehnıka, onyń ishinde 97 qumlaqtyrǵysh jáne 164 jol jumysshylary jumyldyryldy.
Aýdandyq ákimdikterde qar tazalaý jumystarynyń barysyn baqylaý boıynsha táýlik boıy kezekshilik uıymdastyryldy.
