Almatyda Tuńǵyshbaı Jamanqulovtyń isi boıynsha jaryssóz bastaldy
ALMATY. QazAqparat - Almatyda «Fenıks» fılmin túsirý úshin bólingen memleket qarajatyn jymqyrdy dep aıyptalǵan Tuńǵyshbaı Jamanqulovtyń isi boıynsha jaryssóz bastaldy, dep habarlaıdy QazAqparat tilshisi.
Memlekettik aıyptaýshy istiń bas sottalýshysy Tuńǵyshbaı Jamanqulovty 7 jylǵa bas bostandyǵynan aıyrýdy jáne jazany jeńildetetin məselelerdi, aıyptalýshynyń jasyn eskere otyryp, ony 3 jyl 9 aıǵa qysqartyp, jazasyn shartty túrde taǵaıyndaýdy surady.
Tergeý anyqtaǵandaı, «Qazaqfılm» AQ «Fenıks» fılmin túsirý úshin qarajatty «T.K.TURAN UNIVERSAL BUSINESS» JShS-ne aýdarǵan. Qarjy qosalqy merdigerlik uıymdar arqyly atalǵan kompanııanyń quryltaıshysy ári kartınanyń prodıýseri T. Jamanqulovqa qolma-qol berilgen. Qarjyny qoldy qylýǵa «Qazaqfılm» AQ-nyń ekonomıka jáne qarjy jónindegi basqarýshy dırektory G. Ysqaqova men fılmniń atqarýshy prodıýseri N. ıÝdınanyń da qatysy bolǵany anyqtaldy.
Eske sala keteıik, 2016 jyly 2 qarashada «Fenıks» fılmin túsirý úshin bólingen memleket qarajatyn jymqyrdy degen kúdikpen halyq ártisi T. Jamanqulovqa aıyp taǵylǵan bolatyn.
