Almatyda tuńǵysh ret sporttyq pokerden Qazaqstan chempıonaty ótip jatyr
ALMATY. Jeltoqsannyń 4-i. QazAqparat /Erlik Erjanuly/ - Keshe Almatydaǵy «Qazaqstan» poker-klýbynda sporttyq pokerden alǵashqy el chempıonaty óz jalaýyn kóterdi,
dep habarlaıdy QazAqparat.
«Jeltoqsannyń 13-ine deıin sozylatyn bul jarysqa 300-deı sportshy qatyspaq. Aqtyq fınalǵa olardyń 100-i qatysady. Buǵan deıin Almatyda shildeniń 26-sy kúni alǵashqy Qazaqstan kýbogy sarapqa salynǵan bolatyn. Onda birinshi orynǵa Azamat Qusaıynov, ekinshi orynǵa Evgenıı Tsoı, úshinshi orynǵa Baýyrjan Barmambekov ıe boldy. Bul aqpan aıynda resmı túrde qurylǵan bizdiń federatsııanyń 5-i reıtıngtik týrnıri edi», deıdi «Sporttyq poker oıynshylary men áýesqoılardyń respýblıkalyq federatsııasy» qoǵamdyq birlestiginiń prezıdenti Altaı Qaıyrbekov. Onyń aıtýynsha, qazaqstandyq sportshylar qazirdiń ózinde Reseı federatsııasy men Azııa qurlyǵyndaǵy iri baıraqty básekelerge qatysyp úzdik bestiktiń qatarynan oryn alyp júr.
