Almatyda tuńǵysh ret «Saıahat-Qys -2010» saıahattaý jármeńkesi ótedi
ALMATY. 3 Qarasha. QazAqparat /Názıra Eleýhan/- Almatyda birinshi ret 13-14 qarasha aralyǵynda «Saıahat-Qys -2010» saıahattaý jármeńkesi ótedi. Bul týraly búgin Almatyda ótken arnaıy baspasóz máslıhatynda habarlandy.
Qaladaǵy jetekshi týroperatorlardyń bastamasymen uıymdastyrylatyn jobaǵa qatysýǵa 40-tan asa kompanııalar ótinish bildirgen. Onyń ishinde Frantsııa, Fınlıandııa, Maldıva syndy shet eldik týrıstik kompanııalarmen qatar óz elimizdiń iri týrıstik kompanııalary da bar.
"Qazaqstannyń eń úzdik týroperatorlarynyń qysqy týrıstik ónimderin tanystyrý, jarnamalaý, tikeleı satý, ishki týrızmdi damytý, sondaı-aq elimizdegi shıpajaı mekemeleriniń qyzmetin damytý jáne Azııa oıyndaryna týrlar satý bul sharanyń negizgi maqsaty. Bizdiń negizgi mindetimiz - tutynýshylarǵa jańa týrıstik ónimderdi tanystyrý bolyp tabylady. Basty nazar Azıadaǵa týrlardy uıymdastyrý máselelerine aýdarylatyn bolady. Jármeńke barysynda taý shańǵy bazalary, demalys úıleri, shıpajaılar ózderiniń joldamalaryn tikeleı sata alady. Elimizdiń aımaqtarynan qatysatyn týrıstik kompanııalarǵa jeńildikter qarastyrylatyn bolady. Tikeleı satyp alý qatysýshylardyń jaýapkershilikterin kóterip, básekelestik qyzmettiń sapasyn arttyrýǵa yqpal etedi. Bul jármeńke - Qazaqstan týroperatorlarynyń múmkindigin shet eldik jáne otandyq saıahatshylaryǵa bir taban jaqyndatady",- dedi «Prımekspress» kompanııasynyń jetekshisi Olga Aktaeva. Onyń aıtýynsha, sońǵy ret osyǵan uqsas jármeńke Keńes kezinde ótkizilgen.
Uıymdastyrýshylardyń aıtýynsha jármeńkege qatysýshylarǵa arnalǵan ár túrli oıyn-saýyq baǵdarlamalar, joldama lotereıalar, áýe bıletter, týrıstik joldamalar qarastyrylǵan.
Atalmysh sharaǵa Baıqońyr qalasynyń ákimshilik ókilderi arnaıy qatyspaq. Bıyl birinshi adamnyń ǵaryshqa ushqanyna - 50 jyl boldy. Ataýly kúnge oraı Baıqońyr ǵarysh alańynda úlken iri sharalar ótkiziledi. Baıqońyr ákimshiligi bul sharaǵa árbir saıahatshyny shaqyrmaq.
