Almatyda tuńǵysh ret ótkizilip jatqan «Regard de France» kórmesine 45 frantsýz kompanııasy qatysýda (FOTO)
ALMATY. QazAqparat- Búgin Almatyda elimiz boıynsha tuńǵysh ret Halyqaralyq «Regard de France» kórmesi ashyldy. Onda qala turǵyndary men qonaqtary frantsýz kompanııalarynyń taýarlarymen jáne kórsetetin qyzmetterimen tanysa alady.
«Frantsııa - Qazaqstan ekonomıkasynyń eń iri ınvestorlarynyń biri. Tek ótken 2015 jyldyń ishinde Frantsııanyń Qazaqstan ekonomıkasyna salǵan ınvestıtsııasynyń kólemi - 6 mlrd. eýrodan asty. Al búgingi kórmege 45 belgili frantsýz kompanııalary qatysyp otyr. Bul jergilikti turǵyndarǵa «Frantsııada jasalǵan» degen brendtermen jáne frantsýzsha ómir súrý ónerimen jaqyn tanysýǵa múmkindik beredi. Kórme baǵdarlamasy halyqaralyq frankofonııa kúni sheńberindegi birqatar sharalarmen biriktirildi», - dedi Frantsııanyń Almatydaǵy Bas Konsýly Patrık Renar.
Óz kezeginde Almaty qalasy ákiminiń orynbasary Erlan Áýkenov búgingi tańda Almatyda 34 birlesken kásiporyn jáne frantsýz kapıtalynyń qatysýymen 52 kásiporyn jumys atqaratyndyǵyn atap ótti.
«Taıaýda frantsııalyq kompanııalardyń birine Almatynyń turǵyn úı-kommýnaldyq sharýashylyǵyn ınvestıtsııa esebinen jetildirý boıynsha usynys bildirildi. ıAǵnı, biz osy salany tolyǵymen zerttep shyqtyq. Endi zertteý nátıjeleri boıynsha qabyldanǵan usynystardy qala turǵyndarynyń ómirin jaqsartý maqsatynda qoldana alamyz. Aldaǵy ýaqytta eki el arasynda tehnologııalyq ınnovatsııa boıynsha da tyǵyz qarym-qatynas ornaıdy degen senimdemiz», - dedi E. Áýkenov.
Aıta ketelik, kórmege týrızm, sán, kosmetıka jáne parfıýmerııa, avtokólik, gastronomııa, medıtsına, konsaltıngtik qyzmet jáne bilim salalarynda qyzmet atqaratyn kompanııalardyń taýarlary men kórsetetin qyzmet túrleri usynyldy.
Kórme Ritz Carlton qonaq úıinde eki kúnge sozylady.
Uıymdastyrýshylar - Qazaqstannyń Frantsııa eliniń iskerlik seriktesteri-kompanııalarynyń «Amitie» qaýymdastyǵy men Frantsııanyń Qazaqstandaǵy Bas konsýldyǵy. 
