Almatyda tuńǵysh ret qyz-kelinshekter arasynda Qurandy jatqa oqýdan saıys ótedi
ALMATY. QazAqparat - Almatyda 5 mamyr kúni respýblıka boıynsha tuńǵysh ret qyz-kelinshekter arasynda qasıetti Qurandy jatqa oqýdan saıys ótedi. «Nur-Múbarak» ýnıversıtetinde ótetin bul baıqaýǵa elimizdiń túkpir-túkpirinen 150-den asa úmitker qatyspaq.
Qazaqstan musylmandary dinı basqarmasy baspasóz qyzmetiniń habarlaýynsha, úmitkerlerdiń eń jasy - 7 jasta bolsa, eń úlkeni - 54 jasta.
Saıys eki kúnge sozylady jáne qasıetti Qurannyń 1, 2, 3, 5, 10 paralary boıynsha ótedi.
«UMMET» qoǵamdyq qorynyń qoldaýymen júlde qory - 3,5 mln teńge.
Aıta ketelik, bul ıgi shara Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyulynyń bastamasymen uıymdastyrylyp otyr.
