Almatyda tuńǵysh ret qazaqstandyq ınternet konferentsııa ótedi
ALMATY. 23 mamyr. QazAqparat /Erbol Azanbek/ - 26 mamyr kúni Almatyda «i-Mix 2011» birinshi qazaqstandyq ınternet konferentsııasy ótedi. Bul týraly búgin Almatyda ótken konferentsııa barysynda uıymdastyrýshylar málim etti.
Sharany qazaqstandyq «Iteca» kórme kompanııasy, Award.kz Ulttyq ınternet júldesi, «Aıdan» veb- stýdııasy, «4DClick» ınternet agenttigi uıymdastyrady. Uıymdastyrýshylardyń aıtýynsha, konferentsııanyń negizgi maqsaty - Qaznetke qyzyǵýshylyqty, qazaqstandyq kompanııalardyń ınternetti paıdalaný múmkindigin arttyrý, ınternetti kommertsııalyq, ınnovatsııalyq, basqarýshylyq jáne strategııalyq maqsattarǵa paıdalaný múmkindigin kórsetý. Konferentsııa barysynda elektrondyq kommertsııa, áleýmettik jeliler, mobıldi ınternet, elektrondy aqsha, jarnama men damytý, Qaznet pen ınvestorlar, saıt jasaý, domen men hostıng tirketý, ınternet magazın, medıa josparlaý, vırýstyq jarnama, áleýmettik jelilerdegi pıar men marketıng, blogshylarmen jumys, qazaq tildi blogtar máselesi talqylanady. Konferentsııaǵa TMD-nyń ınternet salasyndaǵy jetekshi mamandary qatysady. Sondaı-aq konferentsııa aıasynda IX Ulttyq Award.kz ınternet júldesi bastalatyndyǵy jarııalanady. Konferentsııa 26 mamyr kúni "Baqshasaraı" saltanat zalynda tańǵy 9-dan 19.00-ge deıin ótedi.
