Almatyda tuńǵysh ret І Respýblıkalyq jas muraǵatshylar baıqaýy bastaldy

Oǵan Almaty, Shyǵys Qazaqstan, Jambyl, Batys Qazaqstan, Qyzylorda oblystarynyń memlekettik muraǵattarynyń, Qazaqstan Respýblıkasy Ortalyq memlekettik muraǵatynyń, Almaty qalasy Ortalyq memlekettik muraǵatynyń, Qazaqstan Respýblıkasy Prezıdenti Muraǵatynyń komandalary qatysýda. Baıqaýdyń saltanatty ashylý rásiminde sóılegen sózinde Qazaqstan Respýblıkasy Prezıdenti Muraǵatynyń dırektory, tehnıka ǵylymdarynyń doktory, professor Borıs Japarov ótken tarıhty saralap, oǵan kerekti zertetýler júrgizip, olardy bolashaqtyń paıdasyna usynyp otyrý - muraǵatshylardyń negizgi mindeti ekendigin aıta kele, baıqaýǵa qatysýshylarǵa sáttilik tiledi.

«Búgingi baıqaýdy uıymdastyrýdaǵy basty maqsatymyz - muraǵat salasynda qyzmet istep júrgen jas mamandardyń kásibı biliktiligin arttyrý, otanǵa degen patrıottyq kózqarasyn, is júrgizýde uıymdastyrýshylyq qabiletin arttyrý. Sondaı-aq, muraǵat salasynyń qoǵamǵa, memleketke qanshalyqty qajettigin kórsetý, ony dáripteý jáne osy salada eńbek etip júrgen mamandardyń eńbegin nasıhattaý. Osy arqyly jastardyń muraǵat qyzmetine degen qyzyǵýshylyǵyn oıatý. Óıtkeni, myna naryq aıasynda muraǵatshylardyń týyn tómen túsirmeı ony halyqaralyq deńgeıge kóterý jas bilikti mamandarǵa júkteledi. Bul baıqaýdyń mańyzy óte zor. Óıtkeni munda muraǵatshylar bir-birimen tanysyp, ózara tájirıbe almasatyn bolady. Sondyqtan ol aldaǵy ýaqytta dástúrli sharaǵa aınalyp, jalǵasyn tabady degen oıdamyn», - dedi B. Japarov.

Osydan keıin kásibı qazylar alqasy men kórermender aldyna segiz komanda shaqyryldy.

Batys Qazaqstan oblystyq memlekettik muraǵatynyń - «Aqjaıyq», Almaty qalalyq memlekettik muraǵatynyń - «Muraǵatshylar - mazasyz júrekter», Jambyl oblystyq memlekettik muraǵatynyń - «Ejelgi Taraz», Qazaqstan Respýblıkasy Prezıdenti Muraǵatynyń - «Jas qyran», Semeı qalasyndaǵy «Qazirgi zaman tarıhyn qujattandyrý ortalyǵynyń» - «Mıras», Almaty oblystyq memlekettik muraǵatynyń - «Muraǵat arýlary», Qazaqstan Respýblıkasynyń Ortalyq memlekettik muraǵatynyń - «Muraǵat jastary» jáne Qyzylorda oblystyq memlekettik muraǵatynyń -«ıAksart» komandalary jurtshylyq adyna shyǵyp, ózderine tán erekshe kıim úlgilerimen tánti etti.

Osydan keıin 5 adamnan turatyn 8 komanda óz oryndaryna jaıǵasyp, baıqaý tapsyrmalaryn oryndaýǵa kiristi.

Baıqaý erejesi boıynsha oǵan qatysýshylar ózderiniń kásibı biliktiligi men shyǵarmashylyq qabiletin tórt konkýrstyq tapsyrmada kórsete alýy tıis. Birinshi, óz muraǵatynyń jumysyn áserli etip tanystyrý. Ekinshi, teorııalyq daıyndyq deńgeıin kórsetý: «¥lttyq muraǵat qory jáne muraǵattar týraly» QR Zańy boıynsha suraqtar. Úshinshi, tájirıbelik daıyndyq deńgeıin kórsetý: muraǵat qujattaryn tolyqtyrý, saqtaý jáne paıdalaný boıynsha suraqtar jáne tórtinshi, shyǵarmashylyq tapsyrma. Óz ónerin kórsetý.

Baıqaý odan ári jalǵasýda. Júldeli oryndarǵa ıe bolǵan komandalarǵa dıplomdar men ártúrli baǵaly syılyqtar tabys etiledi.

Aıta ketelik, baıqaýdy uıymdastyrýǵa Qazaqstan Respýblıkasy Mádenıet jáne sport mınıstrliginiń Muraǵattyq is jáne qujattama departamenti jan-jaqty qoldaý kórsetti.