Almatyda tuńǵysh ret ekokınofestıval ótedi

Atalmysh shara qazaqstandyq kórermenderdi sheteldik ekologııalyq kınolarmen tanystyrady. Mundaı aktsııa elimizde tuńǵysh ret ótkizilmek.

Sharanyń uıymdastyrýshylary - «Rýhanııat» partııasy. "Festıvalge tanymal qoǵam qaıratkerleri, ekologtar, qorshaǵan orta salasynyń mamandary, sáýletshiler qatysady. Shara barysynda fılm kórsetilimderimen qatar ekologııalyq máseleler de talqylanatyn bolady", - deıdi uıymdastyrýshylar.

"«EkoChashkanyń» ereksheligi - ol "ómirdiń ekologııasy" degen túsinikke shyǵarmashylyq kózqarastarymen kelý sıntezinde jatyr. Jas rejısserler, sýretshiler, jazýshylar men tilshiler bir ýaqytta álemdik ekologııalyq qozǵalysqa qosylýynda.... Biz qorshaǵan ortany qorǵaý - sanaly tańdaý ekendigin jáne ol áreketter nátıjesin beretinin kórsetkimiz keledi", - deıdi "jasyldar" partııasynyń belsendi ókilderi.

Uıymdastyrýshylardyń aıtýynsha, festıval Máskeýde dúnıege kelgen. "Bıyldan bastap Reseı men Qazaqstanda bir ýaqytta ótetin bolady. Birinshi ret ótkizilgeli otyrǵan festıvalge Máskeý ekofestıvalin ótkizýshiler Anastasııa Laýkkanen men Natalıa Paramonova qurmetti qonaq retinde qatysatyn bolady", -deıdi olar.

Kınofestıval aıasynda tańerteńgi jáne keshki ekofılmderiniń kórsetilimderi, eko-jármeńkeler, bodı-art jáne taǵy da basqa ekosharalary ótedi.